Samstag, Januar 13, 2007

சிறு புள்ளி

சிறு புள்ளி.


மயானத்தின் மத்தியிலொரு
சிறு புள்ளி
மனித நடமாட்டத்தைச் சொல்வதற்கென
திக்குத் தெரியாத கும்மிருட்டில்
உழலும் பேய்களுக்கான குறிப்பாய் அது இருக்கலாம்


பேய்கள் வலுக்கத் தொடங்கிய
யுத்தகாலத்தில்
எரி பிணத்தின் மார்பில்
வலுக்கரத்தால் பிளந்து இதயம் அகற்றப் பட்டது


இருப்பவர்களுக்கான சூனியப்
பொழுதொன்றைச் செய்து முடிக்கும்
மந்திரக் கரங்களுக்குள் பினைபட்ட இருதயத்துள்
இன்னும் சூடான குருதி



ஓருரி மணிக்குள்ளே
உருவமே தெரியாது
உதிர்ந்துபோன இருள் வெளியில்
மயானம் தனித்து விடப்பட்டது


கருமாரி செய்யும்
கடுமையான இரங்கல் ஒலியில்
காலத்தின் கடிவாளம்
அறுபட்டுக் கிடக்க


மலம் முடுக்கி
விழிவழி வழிய
இதயம் இழந்துபோன எரி பிணம்
ஒரு வழியாகப்
பக்கம் பார்த்துப்
பாய்ந்தும் மயானத்தின் புள்ளியில் புரண்டது



மனித நடமாட்டமென்று
பேய்களுக்குத் தூக்கி வாரும்போது
ஓணான் உருவெடுக்க முனைந்தவொரு
எச்சில் பேய்
எல்லோர் முகங்களையும் குதற
எரி பிணத்தின் மத்தியில்
அந்தச் சிறு புள்ளி சுருங்கியது.


ஜனநாயகம்.
13.01.2007

1 Kommentar:

Anonym hat gesagt…

தமிழ் மக்களுக்கு ஒரு அரிய இனய தலம்,

தமிழ் ஒலி ஒளி நாடா
தமிழ் படப்பாடல்
தமிழ் நகைச்சுவை
தமிழ் படம்
தமிழ் நடிகர் நடிகை புகைபடம்

மற்றும் அன்பு......
தமிழ்.ஹப்லாக்.காம்
(Tamil.Haplog.com)